Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Германія. Бабуля Мароз

Берлінскія феміністкі святкуюць перамогу — упершыню ў гісторыі Берліна жанчынам дазволілі выконваць ролю Крампуса — так у Германіі называюць антыпода Дзеда Мароза ці Санта-Клаўса.

Як правіла, з 1949 года ролю Крампуса выконваюць мясцовыя студэнты, якім, як і паўсюль у свеце, бракуе грошай. Фармуе спіс студэнтаў, што жадаюць зарабіць працай Крампуса, студэнцкі прафсаюз. Прычым, конкурс на гэтую пасаду фантастычны — у мінулым годзе на 225 вакансій падалі заявы 2700 студэнтаў.

У студэнтак шанцаў для такога заробку, натуральна, не было. Максімум, што ім дазвалялі, — выконваць ролю анёлаў. Аднак цяпер у гэтай галіне пачаліся радыкальныя перамены.

Кіраўніцтва прафсаюзу выступіла супраць манаполіі мужчынаў на ролю каляднага чараўніка і дамаглося адпаведнай рэформы.

У прафсаюзе ўжо прыдумалі назву для новага персанажа — Калядная жанчына. Што з гэтага атрымаецца, пакуль цяжка сказаць.

Кансерватыўная прэса іранічна прагназуе з’яўленне ў хуткай будучыні калядных гомасексуалаў і калядных трансгендэраў.

Паводле нямецкай прэсы

Каментаваць