Германія. Ці трэба немцам спяваць гімн?

Нямецкая каляфутбольная грамадскасць нават падчас чэмпіянату свету працягвае абмяркоўваць нядаўні скандальны ўчынак футбалістаў зборнай ФРГ і нямецкіх грамадзян Ілкая Гюндагана і Месута Озіла.

Нагадаем, што яны падаравалі турэцкаму кіраўніку Эрдагану футболкі ды назвалі палітыка «мой прэзідэнт». Падарунак шакаваў немцаў, асаблівы тых, хто верыў, што мігрантаў можна інтэграваць у нямецкую супольнасць. 

Прыкладна палова немцаў, паводле апытанняў, выступае сёння за тое, каб выключыць згаданых футбалістаў з каманды. 

Між тым, узнікла думка, што іншыя гульцы таксама далёка не патрыёты. Прынамсі, шмат хто з іх не спявае гімн Германіі перад пачаткам сустрэчаў. Заклік спяваць гімн напалохаў левых і лібералаў, якія бачаць тут нават адзнакі адраджэння нацызму. 

Яны лічаць, што спеў гімна характэрны для цяжкіх часоў, калі краіна змагаецца або знаходзіцца ў крызісным стане. Тады гімн дапамагае, паколькі адыгрывае мабілізацыйную ролю. А пакуль у Германіі больш-менш усё нармальна, выкананне гімну спартоўцы, маўляў, могуць ігнараваць.

Паводле нямецкай прэсы

Хочаце ведаць больш? Сачыце за нашымі публікацыямі ў Telegram і Facebook!

Каментаваць