Кіраўнік МЗС Польшчы прапанаваў перанесці святкаванне Дня Перамогі з Масквы

Гжэгаж Схетына заявіў, што не разумее, чаму Дзень Перамогі пастаянна адзначаецца ў Маскве, а не, напрыклад, у Польшчы на Вестэрплатэ.



Нямецкі браняносец «Шлезвіг-Гальштэйн» абстрэльвае польскі пагранічны гарнізон


«Чаму мы так лёгка прывыклі да таго, што Масква — гэта месца, дзе ўшаноўваюць заканчэнне ваенных дзеянняў, а не Лондан ці Берлін, што было б яшчэ больш натуральным?» — сказаў Гжэгаж Схетына ў панядзелак, 2 лютага, у эфіры радыёстанцыі RMF FM. Паводле яго слоў, найбольш натуральна было б святкаваць Дзень Перамогі «там, дзе гэтая вайна пачалася».
 
 
Прэзідэнт Польшчы Браніслаў Камароўскі плануе адзначыць 70-ю гадавіну заканчэння Другой сусветнай вайны ў Еўропе, запрасіўшы еўрапейскіх лідэраў 8 мая на мерапрыемствы ў Польшчу, а менавіта на паўвостраў Вестэрплатэ каля Гданьска, дзе 1 верасня 1939 г. пачалася Другая сусветная вайна.
 
 
Вестэрплатэ — мемарыяльны комплекс, створаны ў памяць аб польскіх вайскоўцах, якія загінулі ў самым пачатку Другой сусветнай. У гэтым месцы 1 верасня 1939 у 4:45 раніцы нямецкі браняносец «Шлезвіг-Гальштэйн» абстраляў польскі пагранічны гарнізон, што лічыцца пачаткам Другой сусветнай вайны. Абарона 182 абаронцаў гарнізона пад камандаваннем маёра Хенрыка Сухарскага стала сімвалам польскага супраціву фашыстам.

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • vashchanka
  • 2015-02-02 16:59:07
+++

Каментаваць