Лондан супраць стварэння еўрапейскай арміі

Паглыбленне еўрапейскага супрацоўніцтва ў ваеннай сферы складзе непатрэбную канкурэнцыю NАТО, заявіў кіраўнік Мінабароны Брытаніі на сустрэчы з калегамі з краін ЕС.




Ідэя будаўніцтва еўрапейскай арміі была ўпершыню агучана яшчэ два дзесяцігоддзі таму. Аднак брытанскія палітыкі ўвесь час блакавалі гэту ініцыятыву. Такую пазіцыю Англіі эксперты звязваюць з традыцыйным нежаданнем Лондану ісці на шчыльную інтэграцыю ў еўраструктуры. Еўрапейская армія азначала б частковае падпарадкаванне найбольш вялікага на кантыненце брытанскага войска Брусэлю.



Лондан і зараз выступае супраць стварэння адзінай арміі краін Еўрасаюза. "Мы будзем і надалей адхіляць усе ініцыятывы па стварэнні еўрапейскай арміі ці аб'яднанай штаб-кватэры для каардынацыі місій ЕС", — заявіў міністр абароны Вялікабрытаніі Майкл Фэлон на сустрэчы са сваімі калегамі з іншых краін Еўрасаюза, якая праходзіць у Браціславе ў аўторак, 27 верасня, паведамляе www.dw.com


Паглыбленне еўрапейскага супрацоўніцтва ў ваеннай сферы складзе непатрэбную канкурэнцыю NАТО, лічыць брытанскі міністр. Еўропа павінна прымаць больш мер для вырашэння такіх актуальных праблем — такіх, як пагроза тэрарызму і міграцыйны крызіс, аднак "проста дубляваць з гэтай мэтай структуры NАТО або аслабляць альянс было б няслушным рашэннем", — прыводзіць словы Фэлона Reuters. NАТО павінна заставацца падмуркам еўрапейскай абароны, лічыць міністр.


Падчас сённяшняй сустрэчы ў Браціславе кіраўнікі Мінабароны ФРГ і Францыі Урсула фон дэр Ляйен і Жан-Іў Ле Дрыян адзначылі, што ініцыятывы па пашырэнні ваеннага супрацоўніцтва ў рамках ЕС не накіраваныя ні супраць NАТО, ні на стварэнне агульнаеўрапейскай арміі. "Гаворка ідзе пра тое, каб аб'яднаць розныя моцныя боку еўрапейскіх краін, што дазволіць нам разам стаць больш дзеяздольнымі", — падкрэсліла фон дэр Ляйен.


Нагадаем, інтарэс да ідэі стварэння войска ЕС апошнім часам адрадзіўся. 22 жніўня адбылася сустрэча прэм’ераў Італіі, Германіі і Францыі. Падчас прэс-канферэнцыі яе ўдзельнікі публічна падтрымалі новы праект. У некаторай ступені гэта было сенсацыяй, бо Францыя доўгі час сабатавала ідэю аб’яднанага войска ЕС. Прыхільнікі еўрапейскай арміі з Брусэля і Берліна асноўнай місіяй такога войска бачаць стрымліванне Расіі на Усходзе. Да таго ж кіраўнік Еўракамісіі Жан-Клод Юнкер лічыць, што зонай дзейнасці будучага войска могуць быць не толькі краіны аб’яднання, аднак і тэрыторыі суседніх дзяржаў.



Каментаваць