На Charlie Hebdo падалі ў суд з-за карыкатур на ахвяраў землятрусу

Мэрыя італьянскага горада Аматрыча, які моцна пацярпеў у выніку землятрусу ў канцы жніўня, падала ў суд на французскі сатырычны часопіс «Charlie Hebdo» з-за карыкатур на ахвяр трагедыі. Прычынай іску сталі малюнкі, на якіх жыхары горада, у гонар якога названы знакаміты соус "аматрычана", намаляваныя пахаванымі пад пластамі лазанні.
Горад Аматрыча быў амаль цалкам разбураны магутным землятрусам. Фота AP

Горад Аматрыча быў амаль цалкам разбураны магутным землятрусам. Фота AP


Пасольства Францыі ў Рыме выступіла з заявай, у якой гаворыцца, што ўлады краіны не маюць дачынення да публікацыі карыкатур.


"Гэта грубая, бессэнсоўная і бессаромная абраза ахвяр катастрофы. Крытыка, нават у сатырычнай форме, з'яўляецца непарушным правам грамадзян Францыі і Італіі, аднак не ўсё можа быць сатырай, і ў дадзеным выпадку гэтыя карыкатуры абражаюць памяць ахвяраў землятрусу і горад Аматрыча”, — заявіў адвакат Марыё Чыкеці, які прадстаўляў іск, паведамляе ВВС.


Падставай для разбіральніцтва стала карыкатура на ахвяраў землятрусу ў нумары ад 31 жніўня, аўтар якой абыграў тэму нацыянальных італьянскіх страў. На малюнку пацярпелыя ад падземных штуршкоў — выпацканыя ў крыві мужчына і жанчына — былі прадстаўлены як «паста ў таматным соусе» і «запечаная паста». Гара трупаў была стылізавана пад лазанню. На другой карыкатуры, да якой мэрыя таксама высунула прэтэнзіі, змяшчаецца намёк на тое, што ў разбурэнні дамоў вінаватая італьянская мафія, паведамляе lenta.ru



Фота www.askanews.it...

Фота www.askanews.it...



Нагадаем, землятрус магнітудай 6,2 моцна разбурыла горад Аматрыча і два іншых гарадкі, размешчаныя ў гарах на паўночны ўсход ад Рыма. У выніку падземных штуршкоў загінулі 295 чалавек.

Карыкатуры часопіса “Charlie Hebdo” нярэдка выклікалі крытыку і скандалы. У студзені мінулага года пасля публікацыі карыкатур на прарока Мухамеда на рэдакцыя часопіса быў здзейснены напад ісламскіх радыкалаў, былі забітыя дзесяць супрацоўнікаў і два паліцэйскіх.

У верасні мінулага года шмат каго абурылі сатырычныя малюнкі “Charlie Hebdo” на тэму мігрантаў, а праз два месяцы пасля гэтага новую хвалю абурэння выклікалі карыкатуры на катастрофу расійскага лайнера А-321 у Егіпце.



Каментаваць