На мінакоў у Парыжы напаў 21-гадовы чачэнец

Злачынец, які напаў з нажом на мінакоў у цэнтры Парыжа, апынуўся выхадцам з Чачні, паведамляе радыёстанцыя «Europe 1» са спасылкай на крыніцы ў паліцыі.

Фота: ВВС

Фота: ВВС

Пры сабе ў нападніка не было дакументаў, але яго асоба была ўстаноўлена з дапамогай адбіткаў пальцаў. Імя злачынца не называецца, але радыёстанцыя паведамляе, што ён нарадзіўся ў 1997 годзе.

Па дадзеных Le Figaro, яго бацькі затрыманыя паліцыяй.

Напад быў здзейснены ўвечары 13 траўня ў цэнтры Парыжа на вуліцы Мансіньі.

У выніку нападу загінуў 29-гадовы мужчына. Яшчэ чатыры чалавекі атрымалі раненні. Сам злачынец быў застрэлены паліцыянтамі.

Адказнасць за напад узяла на сябе тэрарыстычная групоўка «Ісламская дзяржава».


Паводле meduza.io

Хочаце ведаць больш? Сачыце за нашымі публікацыямі ў Telegram і Facebook!

Каментаваць