Новым лідарам Кубы стаў Мігель Дыяс-Канель

Нацыянальны сход народнай улады Кубы зацвердзіў Мігеля Дыяса-Канеля кіраўніком Дзяржсавета, ён стаў новым лідарам краіны.
Мігель Дыяс-Канель

Мігель Дыяс-Канель

Раней Дыяс-Канель займаў пасаду першага намесніка старшыні Дзяржсавета. Галасаванне па яго кандыдатуры прайшло напярэдадні. Сёння вынікі абвясцілі афіцыйна.

Дыяс-Канель атрымаў 603 галасы з 604 магчымых, або 99,83%. Першым намеснікам старшыні стаў Сальвадор Вальдэс Меса.

Акрамя таго, былі абраныя пяць намеснікаў: Раміра Вальдэс Менендэс, Раберта Томас Маралес Охеда, Гладыс Марыя Бехерано Портэла, Інэс Марыя Чапман і Беатрыс Джонсан Урутыя. Сакратаром Дзяржсавета стаў Амер Акоста.

Падчас выступу перад Нацыянальным сходам Дыяс-Канель паабяцаў працягнуць палітычны курс Кастра. Паводле яго слоў, Камуністычная партыя Кубы — гэта «адзіная гарантыя» адзінства нацыі.

Кіраўнік Дзяржаўнага савета абіраецца падчас сесіі парламента. Нацыянальная камісія сустракаецца з кожным дэпутатам, якія прапануюць кандыдатаў у Дзяржсавет. Пасля гэтага камісія публікуе выніковы спіс кандыдатаў. Затым праходзіць тайнае галасаванне дэпутатаў і абвяшчаюцца яго вынікі.

Кіраўнік Дзяржсавета, які таксама становіцца кіраўніком Савета міністраў краіны, лічыцца кіраўніком кубінскай дзяржавы. З 2008 года гэтую пасаду займаў Рауль Кастра, ён пакінуў яе ў красавіку.

Паводле ria.ru

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • фцф
  • 2018-04-19 19:40:29
Не прайшло і 60 год, як Куба памяняла прозьвішча свайго "правадыра" на іншае. Нам да гэтага яшчэ далёка, але не выключаю, што можам замахнуцца на "рэкорд" ...

Каментаваць