Паліцыя застрэліла захопнікаў царквы ў Францыі, адзін закладнік загінуў

Двое мужчын, якія захапілі царква французскага горада Сэнт-Эцьен-дзю-Руврэ ў Нармандыі, забітыя паліцыяй. Таксама загінуў святар, які трапіў да іх у закладнікі, яшчэ адзін закладнік цяжка паранены, паведамляе ВВС.
Паліцыя ачапіла раён побач з захопленай царквой. Фота APTN

Паліцыя ачапіла раён побач з захопленай царквой. Фота APTN




Захопнікі перарэзалі 84-гадоваму святару горла нажом. МУС Францыі паведамляе, што яшчэ адзін закладнік знаходзіцца ў крытычным стане. Звестак пра стане іншых закладнікаў няма.


Пра захопе царквы горада Сэнт-Эцьен-дзю-Руврэ ў Нармандыі стала вядома ў аўторак, 26 ліпеня, удзень. Двое мужчын патрапілі ў царкву з чорнага ходу і ўзялі ў закладнікі ад чатырох да шасці чалавек, у тым ліку святара і прыхаджан.

Deutsche Welle са спасылкай на “Le Figaro” паведаміла пра пяць закладнікаў, сярод якіх былі святар, дзве манашкі і два верніка.

Як паведамілі сведкі, злачынцы выкрыквалі "Алах вялікі!". Прэзідэнт Францыі Франсуа Аланд пацвердзіў, што напад на каталіцкі храм з'яўляецца тэрактам.


Апошнім часам у Францыі адбылося некалькі буйных нападаў. 14 ліпеня ў Ніцы грузавік заехаў у людскі натоўп. У выніку загінулі 84 чалавекі. У лістападзе мінулага года быў здзейснены напад у Парыжы, адказнасць за які ўзяла экстрэмісцкая групоўка "Ісламская дзяржава". Ахвярамі парыжскай атакі сталі 130 чалавек, а ў Францыі пасля гэтага было ўведзена надзвычайнае становішча.



Каментаваць