Памёр Фідэль Кастра

Памёр лідэр Кубінскай рэвалюцыі Фідэль Кастра, які на працягу некалькіх дзесяцігоддзяў узначальваў Рэспубліку Куба. Пра гэта паведамляе афіцыйнае кубінскае інфармацыйнае агенцтва Prensa Latina.

Фідэль Кастра. Фота: Michael A. Mariant / Zuma / Globallookpress.com

Фідэль Кастра. Фота: Michael A. Mariant / Zuma / Globallookpress.com


Фідэлю Кастра было 90 гадоў. Ён пайшоў з жыцця ўвечары ў пятніцу, 25 лістапада.

Пра смерць свайго брата абвясціў кіраўнік Кубы Рауль Кастра ў звароце па нацыянальным тэлебачанні. Ён сказаў, што цела лідэра рэвалюцыі будзе, згодна з яго воляй, крэміравана. Аб пахаванні абвесцяць у бліжэйшыя гадзіны.

Фідэль Кастра ў 1950-я гады ўзначаліў барацьбу супраць рэжыму Фульхенсіо Батысты. Пасля няўдалага штурму казармаў Манкада ў 1953 годзе ён быў асуджаны да 15 гадоў турмы, у 1955-м вызвалены па амністыі. У Мексіцы Кастра сабраў атрад рэвалюцыянераў для новага этапу барацьбы з дыктатурай. Высадка паўстанцаў, якія прыбылі на судне «Гранма» ў 1956 годзе паклала пачатак партызанскай вайне, якая скончылася выгнаньнем Батысты.

Пасля перамогі рэвалюцыі ў 1959 году Фідэль Кастра кіраваў краінай, займаючы пасады старшыні Дзяржсавета, кіраўніка Савета міністраў і першага сакратара кіруючай Камуністычнай партыі Кубы.

У 2006 годзе Кастра быў шпіталізаваны ў цяжкім стане і доўгі час правёў у шпіталі. У 2008 годзе на ўсіх афіцыйных пасадах яго змяніў брат Рауль. 90 гадоў Кастра-старэйшаму споўнілася 13 жніўня.


Паводле lenta.ru


Каментаваць