Парашэнка заклікаў Захад зрабіць больш жорсткімі санкцыі супраць Расіі і байкатаваць ЧС-2018 па футболе

Прэзідэнт Украіны разлічвае на падтрымку з боку новага германскага ўрада.
«Я чакаю, што ўсе партнёры па кааліцыі ў Германіі выступяць за свабоду, дэмакратыю і тэрытарыяльную цэласнасць Украіны», — заявіў Парашэнка у інтэрв'ю нямецкаму мэдыяканцэрну Funke Mediengruppe, апублікаваным у суботу, 17 сакавіка.

Ён таксама выказаў надзею на тое, што Берлін будзе садзейнічаць адпраўцы на ўсход Украіны міратворчай місіі ААН, адзначыўшы, што «толькі такім спосабам могуць быць рэалізаваны мінскія пагаднення». Да таго часу, пакуль яны не будуць цалкам выкананы, ніякага змякчэння санкцый, прынятых у дачыненні да Расіі, быць не павінна, лічыць украінскі лідэр.

Па словах Парашэнка, Масква спрабуе паставіць Кіеў на калені, але той «да гэтага часу трымаецца» дзякуючы падтрымцы з боку Еўропы. Кіраўнік украінскай дзяржавы заклікаў Захад зрабіць больш жорсткімі санкцыі супраць Расіі і байкатаваць чэмпіянат свету па футболе, які пройдзе ў РФ з 14 чэрвеня па 15 ліпеня.

Гаворачы аб пастаўках зброі ва Ўкраіну, Парашэнка паведаміў, што Кіеў чакае іх, у першую чаргу, ад ЗША а затым — ад такіх краін, як Канада, Францыя ці Літва. «Угоды па продажы ўзбраення не любяць шумных дыскусій, таму я нічога не скажу пра магчымыя дамоўленасцях з Германіяй», — дадаў украінскі прэзідэнт.

Паводле news.tut.by

Хочаце ведаць больш? Сачыце за нашымі публікацыямі ў Telegram і Facebook!

Каментаваць