Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Парламент Венесуэлы абвясціў, што прэзідэнт Мадура «пакінуў сваю пасаду»

Па словах спікера парламенту Хуліа Борхеса, дэпутаты прызналі Мадура «тым, хто пакінуў пасаду» з-за яго бяздзейнасці ў барацьбе з крызісам. Аднак Вярхоўны суд скасаваў гэтае рашэнне



Дэпутатам Нацыянальнага сходу Венесуэлы патрэбна спыніць працэдуру адхілення прэзідэнта Нікаласа Мадура, паколькі яна не прадугледжаная ў канстытуцыі краіны.

 

Такое рашэнне вынес Вярхоўны суд Венесуэлы пасля таго, як большасць дэпутатаў прызналі, што Мадура «пакінуў пасаду прэзідэнта ў сілу невыканання сваіх абавязкаў», паведамляе afp.com.

 

Заканадаўчы орган не мае права прымаць рашэнні, якія не прадугледжаныя канстытуцыяй краіны, гаворыцца ў заяве Вярхоўнага суда Венесуэлы.

 

Таксама суд пацвердзіў сваю пазіцыю, якая была выказаная ў лістападзе 2016 года, і абавязаў чальцоў парламента ўстрымацца ад дэкларавання «палітычнай адказнасці» дзеючага прэзідэнта.

 

9 студзеня спікер парламента Хуліа Борхес выступіў з заявай, што дэпутаты прызналі бяздзейнасць прэзідэнта ў барацьбе з крызісам.



 



У снежні 2015 года апазіцыя выйграла парламенцкія выбары. З тых часоў парламент здзяйсняе крокі для адстаўкі Нікаласа Мадура. У прыватнасці, быў распачаты збор подпісаў для рэферэндуму пра адстаўку дзеючага кіраўніка краіны. Але суд спыніў i гэтую працэдуру.

 

У выпадку адстаўкі Мадура новыя выбары прэзідэнта могуць быць прызначаныя пасля 10 студзеня. У адваротным выпадку абавязкі кіраўніка дзяржавы пяройдуць да віцэ-прэзідэнта.

 


У Венесуэле некалькі гадоў працягваецца эканамічны крызіс, які прывёў ды недахопу прадуктаў харчавання і тавараў першай неабходнасці.


belsat.eu

Каментаваць