«Паўночны паток-2» пагражае экалогіі Балтыйскага мора

Будаўніцтва газаправода "Паўночны паток-2", які Расея мае намер ажыццявіць у абыход тэрыторыі Украіны, нясе пагрозу для экалогіі Балтыйскага мора і Фінскага заліва, паколькі патрабуе абясшкоджвання (выбуху) снарадаў часоў Другой сусветнай вайны, якія ляжаць на дне мора.
Фота REUTERS

Фота REUTERS


Пра гэта са спасылкай на фінскае выданне Kymen Sanomat паведаміў на сваёй старонцы ў Facebook дарадца міністра энергетыкі і вугальнай прамысловасці Украіны Максім Бяляўскі, піша unian.net.

"Пракласці 374 кіламетра трубы толькі ў водах Фінляндыі магчыма пасля абясшкоджвання 87 боепрыпасаў на дне мора. Гэта выкліча памутненне вады, шум і рэзкае змяненне ціску, і створыць пагрозу для экасферы", — напісаў Бяляўскі.

У пачатку сакавіка кіраўнік Міністэрства экалогіі і прыродных рэсурсаў Украіны Астап Семерак заяўляў, што міністэрства далучыцца да позвы нямецкай экалагічнай арганізацыі Nabu, якая судзіцца супраць даччыных структур "Газпрама" з-за экалагічных наступстваў будаўніцтва "Паўночнага патоку-2".

Праект "Паўночны паток-2" прадугледжвае будаўніцтва і працу дзвюх нітак газаправода агульнай магутнасцю 55 мільярдаў кубаметраў газу ў год ад узбярэжжа Расbі праз Балтыйскае мора ў Нямеччыну. Новы трубаправод плануецца пабудаваць побач з ужо існуючым "Паўночным патокам-1". Будаўніцтва газаправода павінна пачацца ў 2018 годзе і завяршыцца да канца 2019 года. Працягласць трубаправода складзе 1220 кіламетраў, ён павінен злучыць расійскую Усць-Лугу і нямецкі Грайфсвальд. Супраць будаўніцтва "Паўночны паток-2" выступае Украіна. Паводле ацэнак старшыні праўлення НАК "Нафтагаз Украіны" Андрэя Коболева, "Паўночны паток-2" зусім не спрыяе дыверсіфікацыі паставак газу ў Еўрасаюз і не забяспечвае яму доступ да новых крыніц газу. 5 красавіка 2018 Вярхоўная Рада Украіны заклікала міжнародную супольнасць зрабіць усё магчымае для забароны будаўніцтва газаправода "Паўночны паток-2".

Хочаце ведаць больш? Сачыце за нашымі публікацыямі ў Telegram і Facebook!

Каментаваць