Пяцёра расіянаў затрыманыя ў Францыі па падазрэнні ў падрыхтоўцы тэрактаў

На поўдні Францыі затрыманыя пяцёра грамадзян Расіі, якія падазраюцца ў падрыхтоўцы тэрактаў. Як паведамляе выданне Direct Matin са спасылкай на пракурора Івона Кальве (Yvon Calvet), усе яны з'яўляюцца чачэнцамі.



Затрыманне было зроблена ўвечары ў панядзелак, 19 студзеня, у горадзе Без'е (дэпартамент Эро). Выданне Midi Libre адзначае, што пры ператрусах у затрыманых былі выяўленыя выбуховыя рэчывы. Расследаваннем займаецца судовая паліцыя Манпелье і антытэрарыстычнае падраздзяленне французскай паліцыі.
 
 
Тэлеканал BFMTV удакладняе, што ўзрост затрыманых складае ад 24 да 37 гадоў. Пакуль невядома, ці планаваліся тэрарыстычныя акты на тэрыторыі Францыі ці за яе межамі.
 
 

Хочаце ведаць больш? Сачыце за нашымі публікацыямі ў Telegram і Facebook!

Каментаваць