Польскі ўрад пазбавіў фінансавання СМІ ўкраінскай абшчыны

Польскі ўрад пазбавіў фінансавання партал украінскай абшчыны Польшчы prostir.pl, што стаў вядомы многім ва Украіне праз асвятленне «валынскіх дыскусій» і напружанай сітуацыі ў Пярэмышлі.


Пра гэта паведаміў на сваёй старонцы ў Facebook галоўны рэдактар ​​парталу Prostir.pl Ігар Ісаеў.

«За актыўную грамадзянскую пазіцыю ў 2016 годзе, у тым ліку за ўдзел у дыскусіі пра «валынскі генацыд» і супрацоўніцтва са СМІ Украіны польскае Міністэрства ўнутраных спраў вырашыла пазбавіць мой партал Prostir.pl фінансавання», — напісаў ён.

Нагадаем, менавіта Prostir.pl першым паведаміў аб крыках «Смерць украінцам» на маршы «польскіх арлянят» 10 снежня ў Пярэмышлі.



Паводле leopolis.news

Каментаваць