Пракуратура Егіпта выдала ордэр на арышт лідара "Братоў-мусульман"

Пракуратура выдала ордэр на арышт Мухамеда Бадзі, у той час як яго партыя адмаўляецца далучыцца да пераходнага кабінета.



Мухамед Бадзі, лідэр Братоў-мусульман


Пракуратура Егіпта выдала ордэр на арышт лідара "Братоў-мусульман" Мухамеда Бадзі па абвінавачванні ў распальванні гвалту побач са штаб-кватэрай Рэспубліканскай гвардыі, дзе 51 чалавек былі забітыя, паведаміла дзяржаўнае інфармацыйнае агенцтва MENA.

 

Таксама ў сераду быў выданы ордэр на затрыманне іншых высокапастаўленых службовых асобаў  "Братоў-мусульман", у тым ліку прадсатўніка Бадзі Махмуда Эззата і партыйных лідараў Эсама эль-Эрыана і Мухамеда эль-Бельтагі.

Днём раней, генеральны пракурор Егіпта пачаў расследаваць справу 650 чалавек, якія падазраюцца ў датычнасьці да гвалту ў панядзелак, хоць ён не сказаў, хто, уласна, знаходзіцца пад следствам.


"Браты-мусульмане" заклікалі да паўстання, каб вярнуць ва ўладу зрынутага прэзідэнта Мурсі. На заклік адгукнуліся тысячы паслядоўнікаў братэрства. Урэшце ўсё скончылася «крывавай лазняй», у чым вайскоўцы вінавацяць "Братоў-мусульман", а "Браты-мусульмане" — вайскоўцаў.

У дадзены момант асобы, на чый арышт выдадзены ордэр, знаходзяцца ў мячэці на святочным мерапрыемстве ў сувязі з надыходам Рамадана. Іх атачаюць прыхільнікі зрынутага прэзідэнта, таму паліцыі цяжка будзе выканаць загад пракуратуры.  

"Браты-мусульмане" ў сераду адхілілі прапанову ўвайсці ў склад пераходнага кабінета Егіпта, калі новы часовы  прэм'ер-міністра Хазем эль-Беблаўі падчас сустрэчы з лідарамі лібералаў абвясціў, што будзе пачынаць працу па фарміраванні часовага ўрада.

Беблаўі сказаў агенцтву Reuters, што новаму ўраду цяжка будзе знайсці аднадушную падтрымку сярод егіпцянаў.

 

«Вядома, мы паважаем грамадскую думку, і мы стараемся адпавядаць чаканням людзей, але заўсёды ёсць час выбару, калі вы мусіце дзейнічаць, ведаючы, што не можаце задаволіць усіх людзей»,сказаў ён.

 

Між тым, асноўная ліберальная кааліцыя Егіпта, Фронт нацыянальнага выратавання, адклікала сваю мінулую адмову ад пераходнага плана і выступіла з заявай, якая змяшчае мяккую крытыку.

 

Беблаўі, ліберальны эканаміст і былы міністр фінансаў, быў прызначаны новым прэм'ер-міністрам у аўторак.

 

Лідар ліберальнай апазіцыі і лаўрэат Нобелеўскай прэміі міру Мухамед эль-Барадэі быў прызначаны  віцэ-прэзідэнтам і кіраўніком аддзела замежных справаў. Першапачаткова яму была прапанавана пасада прэм'ера, але яго кандыдатура была адхіленая партыяй Аль-Нур.

Казалася, што міністэрскія пасады ў новым ўрадзе будуць прапанаваныя сябрам Партыі свабоды і справядлівасці, палітычнаму крылу "Братоў-мусульман", а таксама партыі Аль-Нур.

 

Некаторыя апазіцыйныя групы, у прыватнасці Тамаруд, заявілі, што з імі не кансультаваліся, і што часовы ўрад, як і яго палітыка, вызначаюцца таемна.

Перад часовым урадам стаіць вельмі нялёгкая задача зноўку аб'яднаць драматычна раз'яднаную краіну і выправіць моцна аслабленую эканоміку.

Паводле Аль-Джазіры

Каментаваць