Пуцін прызнаў, што Сноўдэн ў Маскве і параіў ЗША не «стрыгчы парася»

Прэзідэнт Расіі Уладзімір Пуцін у аўторак вечарам пракаментаваў сітуацыю, якая склалася ў сувязі са «знікненнем» былога тэхніка Агенцтва нацыянальнай бяспекі ЗША Эдварда Сноўдэна дзесьці ў «Шарамецьева».



Ён і цяпер там, прызнаў расійскі лідар на прэс-канферэнцыі па выніках перамоў з прэзідэнтам Фінляндыі Саўлі Нііністэ.



«Ён, як транзітны пасажыр, так у транзітнай зале і знаходзіцца да гэтага часу» ,цытуе Пуціна РІА «Новости». Кіраўнік дзяржавы таксама адзначыў, што «нашы спецыяльныя службы ніколі са спадаром Сноўдэнам не працавалі і не працуюць сёння».

 

Прэзідэнт, аднак, адзначыў, што жаданым госцем амерыканец ў Маскве не з'яўляецца: «Спадар Сноўдэнчалавек вольны. Чым хутчэй ён абярэ канчатковую кропку свайго знаходжання, тым будзе лепш і для нас, і для яго» .

Але пры гэтым расійскі лідар даў зразумець, што на істотнае садзейнічанне з боку Масквы Вашынгтону разлічваць не варта. «Асанж, як і Сноўдэн, лічыць сябе праваабаронцам і заяўляе, што змагаецца за распаўсюд інфармацыі. Задайце сабе пытанне: ці трэба выдаваць такіх людзей для пасадкі ў турму?Задумаўся Пуцін.У любым выпадку, я б лічыў за лепшае не займацца такімі пытаннямі, таму што гэта ўсё роўна што парася стрыгчывіску многа, а воўны мала».

Каментаваць