Расія рыхтуецца да адкрытай вайны ў Еўропе, лічаць спецслужбы Канады

Канадская служба выведкі і бяспекі (CSIS) лічыць, што Расія рыхтуецца да адкрытай вайны ў Еўропе. Пра гэта гаворыцца ў справаздачы CSIS, апублікаванай на сайце службы.


 

У прыватнасці, прааналізаваўшы апошнія змены ва ўнутранай і знешняй палітыцы Расіі, эксперты адзначылі, што пачатак маштабнага пераўзбраення і мадэрнізацыі расійскай арміі паказвае на падрыхтоўку да вайны, паведамляе gordonua.com.

 

У канадскай выведцы лічаць, што прэзідэнт Расіі Уладзімір Пуцін, хутчэй за ўсё, будзе і далей праводзіць экспансіўную палітыку, спрабуючы пашырыць свой уплыў за мяжой.

 

Пры гэтым эксперты адзначаюць, што адкрыццё новага фронту на Данбасе малаверагодна. На іх думку, Масква адкрые новы ваенны фронт і не будзе хаваць сваё дачыненне або пазбягаць адказнасці, як гэта было ў выпадку з Украінай.

 

Расія анексавала Крым пасля незаконнага рэферэндуму 16 сакавіка 2014 года. Далучэнне паўвострава да Расіі не прызнаецца большасцю краін свету. У дадзены момант паміж мацерыковай Украінай і Крымам дзейнічае кантрольна-прапускны рэжым, а Кіеў дэ-факта не кантралюе паўвостраў.

 

Праз месяц на ўсходзе Украіны пачаўся ўзброены канфлікт. Баявыя дзеянні вядуцца паміж Узброенымі сіламі Украіны і прарасійскімі баевікамі, якія кантралююць частку Данецкай і Луганскай абласцей. Паводле ацэнак АБСЕ, колькасць ахвяр вайны на Данбасе ўзрасла да 10 тысяч чалавек.

 


Каментаваць