Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

Санкцыі ЕС супраць Расіі працягнулі яшчэ на паўгода

Прычынай такога рашэння стала абвастрэнне сітуацыі на ўсходзе Украіны



Савет Еўропы працягнуў на паўгода персанальныя санкцыі ў дачыненні 150 фізічных і 37 юрыдычных асобаў, якіх лічаць вінаватымі ў парушэнні тэрытарыяльнай цэласнасці Украіны.
 
Тэрмін абмежавальных захадаў павінен быў скончыцца заўтра, 15 сакавіка. Аднак у Бруселі вырашылі працягнуць яго з-за рэзкага абвастрэння сітуацыі на ўсходзе Украіны ў студзені сёлета.
 
У «чорны спіс” ЕС трапілі сярод іншых мільярдэры Аркадь Ротэнберг і Юрый Кавальчук, бізнесмены Канстанцін Малафееў і Мікалай Шамалаў, а таксама дэпутаты Дзярждумы і сябры Савета Федэрацыі Расіі: Сяргей Жэлязняк, Сяргей Міронаў, Леанід Слуцкі і іншыя.
 
Гэтым людзям забаронены ўезд у краіны Еўрасаюза, а іх актывы на тэрыторыі ЕС замарожаныя.
 
Раней ЗША таксама працягнулі санкцыі супраць Расіі на год у сувязі з канфліктам на Данбасе.
 
 
Паводле рускай службы Бі-бі-сі, "Еўрарадыё"

Каментаваць