Таджыкістан. Вайна за знешні выгляд

У Партыю ісламскага адраджэння Таджыкістана паступіла заява ад дванаццаці вучаніц агульнаадукацыйных школ. Дзяўчыны скардзяцца на тое, што адміністрацыі школ забараняюць ім пераступаць школьны парог у мусульманскіх хустках «русары». Такім чынам, на думку кіраўнікоў партыі, адміністрацыі школ парушаюць, у прыватнасці, артыкул 41 Канстытуцыі Таджыкістана, які гарантуе кожнаму грамадзяніну рэспублікі безумоўнае права на атрыманне адукацыі.

У Партыю ісламскага адраджэння Таджыкістана паступіла заява ад дванаццаці вучаніц агульнаадукацыйных школ. Дзяўчыны скардзяцца на тое, што адміністрацыі школ забараняюць ім пераступаць школьны парог у мусульманскіх хустках «русары». Такім чынам, на думку кіраўнікоў партыі, адміністрацыі школ парушаюць, у прыватнасці, артыкул 41 Канстытуцыі Таджыкістана, які гарантуе кожнаму грамадзяніну рэспублікі безумоўнае права на атрыманне адукацыі. Са свайго боку, начальнік Упраўлення адукацыі Сагдыйскай вобласці Саідмухтар Джалолаў заявіў: «Калі дзяўчыны прыходзяць у школу ў нацыянальным адзенні, часткай якога з’яўляюцца звычайныя хусткі, то ім гэтага ніхто забароніць. Аднак мы павінны адрозніваць іх ад «русары». Нацыянальныя хусткі адрозніваюцца ад «русары» тым, што не закрываюць усе забароненыя для чужога позірку часткі цела (аврат). Паводле ісламскіх патрабаванняў, аврат у жанчын — усё цела, акрамя твару і далоняў. Валасы на галаве ў жанчыны таксама адносяць да аврат, таму яны павінны быць схаваныя. Цікава, што дзяржава даўно вядзе кампанію за правільны знешні выгляд. Школьнікаў і студэнтаў Таджыкістана абавязалі апранаць гальштукі і строгія гарнітуры, дзяўчынам забаранілі прыходзіць на заняткі ў нагавіцах, міні-спадніцах, яны павінны трымацца стандарту «белы верх, чорны ніз» ці хадзіць у нацыянальных таджыкскіх сукенках, адмовіцца ад макіяжу. Абмежаванні тычацца не толькі знешняга выгляду навучэнцаў. Нагадаем, што не так даўно прэзідэнт Таджыкістана забараніў школьнікам і студэнтам мець пры сабе мабільныя тэлефоны, нават калі яны выключаныя, дабірацца да навучальнай установы на асабістым аўтамабілі, праводзіць выпускныя балі. А Міністэрства адукацыі Таджыкістана вырашыла пайсці далей і рыхтуе дакумент, які рэгулюе форму адзення школьных выкладчыкаў.

Па матэрыялах таджыкскай прэсы

Каментаваць