Трэці дзень у польскім Сейме пратэстуюць бацькі дзяцей-інвалідаў

У будынку Сейма яны знаходзяцца кругласутачна са сваімі хворымі дзецьмі.
Foto: PAP/Bartłomiej Zborowski

Foto: PAP/Bartłomiej Zborowski



Пратэстоўцы заяўляюць, што не пакінуць Сейм, пакуль іх патрабаванні не будуць выкананыя.

Бацькі патрабуюць, між іншым, павялічыць памер дадатку на рэабілітацыю для дзяцей, якім споўніцца 18 гадоў і павышэння сацыяльнай пенсіі па інваліднасці.

У пятніцу з удзельнікамі пратэсту сустрэліся прэзідэнт Анджэй Дуда, прэм’ер-міністар Матэвуш Маравецкі і міністар працы і сацыяльнай палітыкі Эльжбэта Рафальска.

Сёньня віцэ-прэм’ер Бэата Шыдла паведаміла, што з учарашняга дня ў Міністэрстве сям’і і працы распачалася падрыхтоўка праекту ў справе падтрымкі для асоб з абмежаванымі магчымасцямі. «Законапраект будзе падрыхтаваны як мага хутчэй», – сказала Бэата Шыдла і заклікала ўдзельнікаў пратэсту вярнуцца да дому.

Матэвуш Маравецкі паабяцаў стварыць спецыяльны фонд падтрымкі інвалідаў. Сродкі ў фонд паступалі б з падатку, накладзенага на багатых палякаў.

Паводле беларускай службы Польскага радыё


Хочаце ведаць больш? Сачыце за нашымі публікацыямі ў Telegram і Facebook!

Каментаваць