У Гамбургу мужчына з нажом напаў на наведнікаў крамы: ёсць ахвяры

Мужчына напаў на наведвальнікаў супермаркета Edeka. Зламысніка затрымалі мінакі і перадалі яго паліцыі.

Фота ЕРА

Адзін чалавек загінуў і чацвёра атрымалі раненні ў выніку атакі ўзброенага нажом злачынца на наведвальнікаў супермаркета Edeka ў Гамбургу.

Пра гэта паведаміла ў сваім Twitter мясцовая паліцыя.

За злачынцам, які выбег з крамы, пагналіся мінакі. Пасля непрацяглай пагоні яны дагналі злачынцу, абясшкодзілі і перадалі ў рукі паліцыі, што прыехала на месца.

Фота ЕРА

Праваахоўнікі ачапілі раён, у якім адбылося злачынства. Да месца здарэння прыбыло мноства машын выратавальных службаў. Да аперацыі былі прыцягнутыя сілы антытэрарыстычнага падраздзялення паліцыі Гамбурга.

У паветра ўзнялі паліцэйскі верталёт. Першапачаткова не выключалася, што злачынец меў супольніка, але затым гэтыя звесткі былі абвергнутыя праваахоўнікамі.

Фота ЕРА

Пра асобу злачынца і яго матывах пакуль нічога не вядома.

 Паводле Deutsche Welle, korrespondent.net

Каментаваць