У Расіі за ноч з'явілася 1,5 мільёна выбаршчыкаў — СМІ

Напярэдадні старшыня ЦВК Расіі Эла Памфілава абвясціла, што па стане на 9 раніцы нядзелі, 18 сакавіка, у спісах выбаршчыкаў значыцца 107,230 мільёна чалавек. Розніца склала 1,497 мільёна.

Выбары ў Расіі

За мінулую ноч колькасць выбаршчыкаў у Расіі вырасла амаль на 1,5 мільёна чалавек. Пра гэта паведамляюць "Ведомости" ў панядзелак, 19 сакавіка.

Такія дадзеныя вынікаюць з пратакола галасавання, апублікаванага Цэнтральнай выбарчай камісіяй (ЦВК) па стане на 09.00 19 сакавіка. Колькасць уключаных у спіс выбаршчыкаў складае 108,727 мільёна.

"Між тым яшчэ напярэдадні старшыня ЦВК Эла Памфілава абвясціла, што па стане на 9 раніцы нядзелі ў спісах выбаршчыкаў значыцца 107,230 мільёна чалавек. Розніца склала 1,497 мільёна", — гаворыцца ў паведамленні.

Выданне адзначае, што гэта складае амаль 2% ад 73 362 452 выбаршчыкаў, якія прыйшлі на выбарчыя ўчасткі ў Расіі.

Нагадаем, 18 сакавіка ў Расіі адбыліся прэзідэнцкія выбары. Пасля апрацоўкі 99,75% бюлетэняў цяперашні кіраўнік дзяржавы Уладзімір Пуцін атрымлівае 76,67% галасоў. У ЦВК паведамілі, што яго падтрымалі рэкордныя 54,4 мільёна грамадзян.

Паводле korrespondent.net


Хочаце ведаць больш? Сачыце за нашымі публікацыямі ў Telegram і Facebook!

Каментаваць