У баі за Ілавайск паранены камбат «Данбаса» Сямён Сяменчанка

У Ілавайску Данецкай вобласці ў выніку атакі тэрарыстаў загінуў 1 ўкраінскі вайсковец, яшчэ 4 параненыя, у тым ліку камандзір батальёна «Данбас» Сямён Сяменчанка.



Пра гэта ў сваім Facebook напісаў міністр унутраных спраў Украіны Арсен Авакаў.

«У перадавой групе атакі, што ачышчала ад тэрарыстаў Ілавайск, нарваліся на мінамётны агонь.


Вытрымалі — атаку не згарнулі. Сярод нашых — адзін баец загінуў, чацвёра параненых. У тым ліку — паранены Сямён (Сяменчанка). Множныя асколачныя. Вывезлі ўсіх з поля бою ў шпіталь. Папярэдне — жыццё параненых па-за пагрозай», — напісаў Авакаў.

Як паведамляе ЦЕНЗОР.НЕТ, Сямён Сяменчанка знаходзіцца ў прытомнасці, у яго дыягнаставана раненне сярэдняй цяжкасці. Зараз яго і іншых параненых байцоў «Данбаса» транспартуюць для лячэння ў Днепрапятроўск.

Паводле ўкраінскіх СМІ

Каментаваць