У Крамлі назвалі «глупствам» паведамленні аб псіхічным захворванні Пуціна

Прэс-сакратар прэзідэнта Уладзіміра Пуціна Дзмітрый Пяскоў назваў «глупствам, якое не заслугоўвае каментара» паведамленні амерыканскіх СМІ аб тым, што спецыялісты Пентагона западозрылі ў Пуціна псіхічнае захворванне — сіндром Аспергера.



Аб падазрэнні на захворванне расказала напярэдадні выданне USA Today. У 2008 годзе адным з аналітычных цэнтраў Пентагона было падрыхтавана даследаванне, у якім вылучалася тэорыя аб наяўнасці ў прэзідэнта Расіі Уладзіміра Пуціна сіндрому Аспергера, заявіў карэспандэнт Рэй Локер, які атрымаў доступ да справаздачы.

Гэты від захворвання, названага па імені Ганса Аспергера, дзіцячага псіхіятра з Вены, які даследаваў агрэсіўныя паводзіны маладых нацыстаў, упершыню быў выяўлены ў 1940-х гг. Пры наяўнасці гэтага сіндрому чалавек не здольны суперажываць, ён не мае ўяўлення пра тое, што ў іншых людзей ёсць пачуцці.

Каментаваць