У Латвіі зачыняецца апошні мясцовы рускамоўны канал

Уладальнікі адзінага мясцовага рускамоўнага канала ў Латвіі ТВ5 прынялі рашэнне аб яго закрыцці з-за нерэнтабельнасці.



Як паведамляе ўладальнік ТВ5 – MTG TV Latvia, рынак рускамоўнага тэлевяшчання ў Латвіі вельмі насычаны, выдаткі на вытворчасць мясцовага прадукту надзвычай высокія, адзначае ВВС.

Каналу даводзілася канкураваць з рэтрасляванай з Расіі прадукцыяй, не атрымліваючы ніякай падтрымкі ад дзяржавы. Таму ТВ5 гадамі працаваў са стратамі, і з пачатку красавіка 2016 г спыніць вяшчанне.

"ТВ5 15 гадоў ствараў якасны інфармацыйны кантэнт, мы высока цэнім працу ўсяго калектыву ТВ5. Закрыццё канала — цяжкае рашэнне, аднак дзеля скарачэння страт гэта было неабходна", — кажа кіраўнік MTG TV Latvia Байба Зузена.

ТВ5 уваходзіць у пяцёрку самых папулярных каналаў сярод рускамоўнай аўдыторыі Латвіі, саступаючы месца рэтрасляванай з Расіі прадукцыі (Першы канал, РТР, НТВ, РенТВ), адзначае карэспандэнт ВВС Аксана Антоненка.

ТВ5 з'яўляецца адзіным цалкам рускамоўным каналам мясцовай вытворчасці. Пры гэтым асобныя рускамоўныя блокі існуюць і на іншых каналах.

Латвійскія палітыкі не раз казалі пра неабходнасць развіваць мясцовае вяшчанне на рускай мове ў якасці процівагі, магчыма, не заўсёды якаснай інфармацыйнай прадукцыі, вырабленай у Расіі.

Кіраўніцтва ТВ5 адзначыла, што няма іншых альтэрнатыў, у працяглай перспектыве, акрамя як ствараць тэлепраграмы на рускай мове, каб утрымаць гэтых людзей у латвійскім інфармацыйным полі. «Пытанне толькі ў тым, ці ўсё маркетынгавыя грошы застануцца ў Латвіі, альбо ўсё ж сыдуць у Лондан альбо Швецыю, дзе зарэгістраваныя некаторыя каналы на рускай мове». Аднак, атрымаць еўрапейскую фінансаванне на гэты праект прыбалтам пакуль так і не ўдалося, адзначае 163gorod.ru.

Каментаваць