У прыгарадзе Парыжа захапілі закладнікаў

У прыгарадзе Парыжа, паблізу ад аэрапорта «Шарль-дэ-Голь» невядомыя захапілі закладнікаў.



Пра гэта са спасылкай на сведчанні мясцовых жыхароў паведамляе RTL.
 
 
На аўтатрасе N2 у раёне горада Даммартэн-ан-Гоэль чутная страляніна. Раней у гэтым раёне быў заўважаны аўтамабіль, у якім знаходзіліся людзі, падобныя на братоў Шэрыфа і Саіда Куашы, якія падазраюцца ў нападзе на парыжскую рэдакцыю Charlie Hebdo 7 студзеня. Крыніца Reuters у французскай паліцыі распавяла, што вядзецца пераслед аўтамабіля.
 
 
Як паведамляе Le Figaro, мясцовым жыхарам далі ўказанне не пакідаць свае дамы. Над месцам захопу закладнікаў заўважаныя некалькі верталётаў. Міністр унутраных спраў Францыі Бернар Казнеў пацвердзіў, што ў раёне праводзіцца спецаперацыя, піша Le Monde.
 
 
Карэспандэнт Le Parisien Філіп Марціна напісаў у твітэры, што прэфект паліцыі пацвердзіў пераслед падазраваных у здзяйсненні тэракту.

Каментаваць