Украіна. Доктар Хаўс вылечыць народ?

Вялікі рэзананс выклікалі ва Украіне парады ад Міністэрства аховы здароўя, што на поўным сур’ёзе прапануе медыкам глядзець медыцынскія серыялы.

Аказваецца, яны могуць быць «не проста прыемным заняткам, але і карысным фарматам навучання». Як піша міністэрства, «героі медыцынскіх серыялаў ўжываюць не толькі папулярныя гутарковыя фразы, але і карыстаюцца медыцынскай тэрміналогіяй, вядуць дыялогі з пацыентамі і гэтак далей. Паступова вы будзеце ведаць шмат новых слоў і выразаў, а таксама навучыцеся хутка арыентавацца ў кантэксце фільмаў», — цытуе прэса парады міністэрства. 

Рэкамендацыя выклікала шквал жартаў. Людзі смяюцца, уяўляючы розныя сітуацыі — напрыклад, экзамены ў медыцынскую ВНУ, дзе ад абітурыента патрабуюць пераказаць 12-ы эпізод трэцяга сезона «Доктара Хаўса». Або рэцэпт лекара асабліва цяжкім хворым, у якім пазначаная інтэрнэт-спасылка на серыял «Рэанімацыя».

Праўда, таго дакумента пакуль ніхто не бачыў. Пра яго распавёў губернатар Закарпацкай вобласці Генадзь Маскаль — жорсткі крытык цяперашняга кіраўніка Міністэрства аховы здароўя Ульяны Супрун. 

З іншага боку, паколькі раней Супрун заклікала лячыць рак усмешкамі, Маскалю ўкраінцы ахвотна вераць.

Паводле ўкраінскай прэсы



Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2018-04-20 09:57:10
Так, з медыцынай у/на Украіне што-та не тое. Тут пра гэта было сказана: http://belisrael.info/?p=15074 І тут: http://belisrael.info/?p=11128

Каментаваць