Венесуэла. Новыя карыбскія піраты

Піраты вяртаюцца. У свой час Карыбскае мора было эпіцэнтрам сусветнага пірацтва, што знайшло адлюстраванне ў масавай культуры.



Дастаткова ўзгадаць папулярную франшызу «Піраты Карыбскага мора». 

І вось славутыя карыбскія піраты сапраўды вяртаюцца. Усё праз эканамічны калапс у Венесуэле, які прымушае тубыльцаў неяк выжываць. 

У прыватнасці, венесуэльскія рыбакі вырашылі перакваліфікавацца ў піратаў. 

Толькі за апошні год адпаведныя міжнародныя арганізацыі зафіксавалі ў венесуэльскіх водах 71 інцыдэнт, што, паводле міжнароднага права, можна кваліфікаваць як пірацтва. 

Найбольш брутальнай была атака піратаў Венесуэлы на сурынамскіх рыбакоў у красавіку гэтага года, калі, па чутках, было забіта каля 12 чалавек. 

Трапляюцца і кур’ёзныя выпадкі. Напрыклад, год таму «карсары» з Венесуэлы атакавалі турыстычны аб’ект, які выкарыстоўвалі для здымак фільму з серыі «Піраты Карыбскага мора». 

У сувязі з ростам пірацкіх вылазак СМІ дапускаюць ператварэнне Венесуэлы ў новае Самалі, што можа паскорыць умяшанне ў сітуацыю міжнароднай супольнасці.

Паводле брытанскай прэсы

Хочаце ведаць больш? Сачыце за нашымі публікацыямі ў Telegram і Facebook!

Каментаваць