Дзе і калі адбудзецца развітанне з Філарэтам

На сайце church.by паведамляецца, што развітацца з новаперастаўленым ганаровым Патрыяршым Экзархам усяе Беларусі Мітрапалітам Філарэтам (Вахрамеевым) можна будзе ў Свята-Духавым кафедральным саборы горада Мінска і ва Успенскім Жыровіцкім манастыры (аг. Жыровічы Слонімскага раёна Гродзенскай вобласці).

Фота Сяргея Серабро

Фота Сяргея Серабро


У сераду, 13 студзеня ў 16:00 цела спачылага Мітрапаліта Філарэта будзе прывезена ў Свята-Духаў кафедральны сабор, дзе пройдзе развітанне з ім да 18:00 14 студзеня.

У чацвер, 14 студзеня ў 8:00 у Свята-Духавым кафедральным саборы пачнецца саборная архірэйская Боская Літургія, пасля заканчэння якой будзе здзейснены чын адпявання Ганаровага Патрыяршага Экзарха ўсяе Беларусі.

Труна з целам Філарэта будзе знаходзіцца ў Свята-Духавым кафедральным саборы да 18:00 14 студзеня, пасля чаго будзе перавезена ва Успенскі сабор аднайменнага Жыровіцкага мужчынскага манастыра.

У пятніцу, 15 студзеня а 10:00 ва Успенскім Жыровіцкім манастыры пачнецца саборная архірэйская Боская Літургія, пасля заканчэння якой адбудзецца паніхіда па Філарэту. Пасля паніхіды цела спачылага Мітрапаліта Філарэта будзе пахавана за Крыжаўзвіжанскім храмам Успенскага Жыровіцкага манастыра.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: