Марыя Калеснікава: «Я невінаватая, і ні пра якое прашэнне аб памілаванні не можа быць і гаворкі»

Марыя Калеснікава не збіраецца прасіць аб памілаванні. Асуджаная на 11 гадоў беларуская апазіцыянерка назвала вердыкт суда прысудам «усёй сістэме», піша www.dw.com. Улады Беларусі страцілі давер народа, лічыць Марыя.

Беларускі апазіцыйны палітык Марыя Калеснікава, асуджаная на 11 гадоў, адмовілася прасіць Аляксандра Лукашэнку аб памілаванні. «Я невінаватая, і ні пра якое прашэнне аб памілаванні не можа быць і гаворкі», — падкрэсліла яна ў інтэрв'ю расійскаму выданню РБК, што было апублікаванае ў пятніцу, 1 кастрычніка. Палітык назвала судовы вердыкт прысудам «усёй сістэме», а не асобным прадстаўнікам апазіцыі.

Адмовілася ад здзелкі са следствам

Паводле слощ Калеснікавай, ёй не раз прапаноўвалі пайсці на здзелку са следствам у тым ці іншым фармаце, у тым ліку на «інтэрв'ю» беларускаму дзяржтэлебачанню, аднак яна адмаўлялася. «Прапановы сям'і пакінуць Беларусь, напісаць прашэнне аб памілаванні, лісты, зняцца ў кіно і быць на волі — гэта сведчанні таго, што ўлада не разумее, што праблема не ўва мне і ў Максіме (сябра прэзідыума Каардынацыйнай Рады беларускай апазіцыі Максім Знак, асуджаны на 10 гадоў па артыкуле аб стварэнні экстрэмісцкага фармавання і змове з мэтай захопу ўлады. — Заўв. рэд.)», — патлумачыла палітык.

«Праблема ў тым, што ўлада страціла легітымнасць, давер у вачах беларусаў», — адзначыла яна

Еўрасаюз палічыў абвінавачанні Калеснікавай і Знаку неабгрунтаванымі і заклікаў вызваліць палітычных зняволеных. Абодва апазіцыянеры абскардзілі прысуд.

Калеснікава назвала абвінавачанні «поўнай ахінеяй, складзенай па невядомых дагэтуль граматычных і лагічных правілах». «41 том матэрыялаў — збор макулатуры, які ні пра што, акрамя нашай невінаватасці, не сведчыць, нягледзячы на марныя спробы ўкараніць фэйкавыя доказы», — падкрэсліла палітык.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: