Антэлія — неверагодная красуня з чароўнымі вачыма

Студзеньскім вечарам адна з валанцёрак, якая жыве ў прыватным доме за горадам, пачула гучнае мяўканне ў двары. Адчыніла дзверы і ўбачыла на ганку буйную котку яркай расфарбоўкі.

Котачка жаласна мяўкала, нібы просячы аб паратунку. На вуліцы было даволі холадна, ішоў рэдкі для гэтай зімы снег. Пошукі гаспадароў сярод мясцовых жыхароў плёну не далі. Верагодна, котку проста вывезлі ў вёску ды падкінулі. 

Пры аглядзе ўбачылі на шыі велізарнейшы каўтун (жанчына нават не змагла яго адрэзаць, давялося звяртацца да больш дасведчанага ў гэтых пытаннях чалавека).


Знаходку адвезлі ў прытулак. І трэба было бачыць, з якім задавальненнем котачка згарнулася на сваёй ляжанцы ў клетцы, як удзячна замуркатала!


Красуню назвалі Антэліяй. Яе стэрылізавалі, котачка ўжо цалкам гатовая да пераезду ў новы дом. Па характары вельмі спакойная і ласкавая. Увесь час есць і спіць, але не супраць пагуляцца з махалкай.


Спакойна ставіцца да іншых катоў, чалавека ж проста любіць. Такая вельмі хатняя канапавая кошка. І неверагодна прыгожая!

Антэлія зусім маладзенькая, ёй не больш за год.

Тэлефануйце і прыязджайце знаёміцца: +375 (29) 679-70-37 Наталля.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Гэтым жывёлам трэба ваша дапамога

Гэтыя жывёлінкі шмат пакутавалі, зведалі чалавечую жорсткасць і здраду. Дзякуючы валанцёрам, яны зараз сытыя, у цяпле і бяспецы. Але без сваёй сям'і і гаспадара ім вельмі сумна і неўтульна.

Паглядзіце ўважліва, хутчэй за ўсё сярод гэтых сабак і котак вы знойдзеце таго ці тую, хто сагрэе вашае сэрца і стане верным сябрам.

Больш цікавага на «Новым Часе»: