Барсік: знявечаны целам, але не душой

Барсіка знайшлі, калі ён, ужо знясілены, амаль не хадзіў. Ціха сядзеў у кутку пад'езда шматпавярховага дома ў Мінску і пакутаваў. Адна з лапак кацяня была падобная на крывавае месіва. Што здарылася — дакладна невядома.


Ветэрынарам прыйшлося ампутаваць лапку па перадплечча. Але гэта зусім не трывожыць малога і не перашкаджае яму жыць.


Барсіку прыкладна паўгода. Ён трохі сарамлівы, але гэта выпраўляецца ласкай і клопатам.


Любіць, калі чухаюць за вушкам, а калі раздобрыцца — падстаўляе пуза і салодка мурчыць ад задавальнення.
Ласкавы, актыўны, ганяе мячык. Ён выдатна бегае, нягледзячы на сваю траўму, гуляецца, ходзіць у латок без промахаў і нават карыстаецца кіпцяточкай!


Есць сухі корм і курыныя шыйкі, страўнікі, печань, смятану нізкай тлустасці.

Гатовы ехаць у новы дом. Прыязджайце за малым, у яго абмежаваны час на ператрымцы!

+375 (29) 244-13-56 Юля.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Гэтым жывёлам трэба ваша дапамога

Гэтыя жывёлінкі шмат пакутвалі, зведалі чалавечую жорсткасць і здраду, але яны не губляюць надзею знайсці новы дом і свайго самага лепшага і самага любімага гаспадара.

Штодня мы будзем прадстаўляць вам адну пяшчотную пыску са спадзевам, што сярод вас знойдуцца тыя, хто абавязкова не пройдзе міма

Больш цікавага на «Новым Часе»: