Дора падорыць сяброўства!

Дора нарадзілася два гады таму на тэрыторыі дарожнай арганізацыі. Іншых шчанюкоў тады разабралі па дамах, а Дору перавезлі на іншую базу ў Валожын: у ёй убачылі выдатную ахоўніцу. І нездарма.

Дора расла, старанна рабіла сваю працу. Але акрамя аховы яе вельмі цягнула да людзей — Дора аказалася вельмі кампанейскай.


Не так даўно Дора нарадзіла шчанюкоў, якія ўжо знайшлі гаспадароў. І вось Дора ўжо некалькі тыдняў на ператрымцы чакае свайго чалавека.

Дора маладая, здаровая і стэрылізаваная. Яна вельмі кантактная і сацыялізаваная дзяўчынка, вельмі цягнецца да чалавека і выдатна ладзіць з іншымі сабакамі.


Добра ездзіць у машыне. Есць сухі корм і натуралку.

Ёй падыдзе пражыванне ў доме ці прасторным вальеры, са свабодным перамяшчэннем па агароджанай гаспадарскай тэрыторыі.


Магчымая дастаўка, апрацуем ад паразітаў, зробім прышчэпку.

Тэлефануйце і прыязджайце знаёміцца: +375 (29) 113-82-58 Вераніка.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Гэтым жывёлам трэба ваша дапамога

Гэтыя жывёлінкі шмат пакутавалі, зведалі чалавечую жорсткасць і здраду. Дзякуючы валанцёрам, яны зараз сытыя, у цяпле і бяспецы. Але без сваёй сям'і і гаспадара ім вельмі сумна і неўтульна.

Паглядзіце ўважліва, хутчэй за ўсё сярод гэтых сабак і котак вы знойдзеце таго ці тую, хто сагрэе вашае сэрца і стане верным сябрам.

Больш цікавага на «Новым Часе»: