Лялечка сумуе без сябра. І ёй вельмі патрэбна сям'я (Знойдзена сям'я!)

Каля года таму на адным з аўтобусных прыпынкаў Міншчыны з'явіўся невялікі худы сабачка. Невядома, ці пакінулі яго ці сам збег. Рэдкія пасажыры часам падкормлівалі яго, а потым сабачку забрала валанцёрка. Так Ляля апынулася ў прытулку.

Ляля — утульны сямейны сабачка, які паладзіць і з бабуляй у вёсцы, і з добрай гаспадыняй і з энергічнымі дзеткамі.

Супраць катоў яна таксама нічога не мае, ды і з суродзічамі хутка знаходзіць агульную мову, перавагу аддае вялікім і касматым сабакам.


Лепшым сябрам Лялі на Падворку быў Байкал — пра яго мы ўжо распавядалі. Ён абараняў малую і заўсёды дзяліўся з ёй ласункамі, нават будку яны абралі сабе адну на дваіх. Калі іх бачылі разам, то кожны раз адзначалі пра сябе, што жывёлы ўмеюць кахаць адзін аднаго, сябраваць і клапаціцца. Але Байкал з'ехаў у свой дом, а Лялечка засталася і ёй вельмі сумна без сябра.


Сабачка ласкавы і ветлівы з людзьмі. Выдатна гуляе на ланцужку. Вельмі добра паводзіць сябе ў доме. Ляля цалкам не канфліктная. Мае неабходныя вартавыя здольнасці. Ляля дарослы разумны сабака, якому вельмі патрэбна сям'я.

Стэрылізавана, апрацавана ад паразітаў і мае ветпашпарт.

Тэлефануйце: +375293267627 Настасся.

Фота Ірыны Мазур

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: