Нора: суровая знешне, ласкавая ўнутры

Нору знайшлі ў пад'ездзе пяць гадоў таму. Амаль кацянё, яна была настолькі напалоханая, так страшна шыпела, што дворнік не рызыкнуў штосьці рабіць самастойна і пабег па знаёмую валанцёрку. 

Котка відавочна была хатняй, так як дома яна хутка супакоілася. Але старога гаспадара знайсці не атрымалася.
Спачатку яна жыла на ператрымцы ў валанцёркі, але абставіны змяніліся, і яна пераехала ў прытулак.

Так вось здарылася, што цягам гэтых гадоў Нора не знайшла свайго чалавека. Яна не падыходзіць да незнаёмых людзей, не імкнецца звярнуць на сябе ўвагу, а сціпла сядзіць у баку. Магчыма, прычына яшчэ ў тым, што котка мае даволі суровы выгляд, і людзі лічаць, што яна злая. А на самай справе Нора вельмі ласкавая і далікатная. І выдатна памятае тых, хто калісьці прылашчыў яе, браў на ручкі, частаваў прысмакамі.

Нора баіцца сабак. Добра ставіцца да іншых спакойных кошак. Калі жыла на ператрымцы, паводзіла сябе прыстойна, нічога не псавала, хадзіла ў латок, карысталася кіпцеточкай.
Аднойчы Нору забіралі, але вярнулі праз некалькі дзён, сказаўшы, што яна перавярнула ўсе вазоны з кветкамі. Калі вас не спужала гэтае непаразуменне і вы гатовы даць Норы шанец на шчасце, тэлефануйце: +375295031626, +375293100395 — Святлана.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Гэтым жывёлам трэба ваша дапамога

Гэтыя жывёлінкі шмат пакутвалі, зведалі чалавечую жорсткасць і здраду, але яны не губляюць надзею знайсці новы дом і свайго самага лепшага і самага любімага гаспадара.

Штодня мы будзем прадстаўляць вам адну пяшчотную пыску са спадзевам, што сярод вас знойдуцца тыя, хто абавязкова не пройдзе міма

Больш цікавага на «Новым Часе»: