Адно з самых паспяховых прадпрыемстваў Гомельшчыны — банкрут. Таму што скончылася дзяржпраграма

Распачатая працэдура банкруцтва ў дачыненні да аднаго з самых паспяховых прадпрыемстваў Гомельшчыны, паведамляе "Флагшток".
Фота: rynak.by

Фота: rynak.by


29 траўня 2020 года на пазачарговым агульным сходзе акцыянераў ААТ "Гомельагракамплект" была прынятая пастанова аб пачатку працэдуры банкруцтва. Падставай прынятага рашэння паслужыла неплацежаздольнасць прадпрыемства, якая мае ўстойлівы характар і не дазваляе прадпрыемству выканаць свае абавязацельствы перад крэдыторамі ў поўным аб'ёме.

Размяшчаецца ААТ "Гомельагракамплект" у аграгарадку Яроміна Гомельскага раёна. Сярэдняспісачная колькасць работнікаў прадпрыемства па выніках мінулага года склала 338 чалавек. Асноўным відам дзейнасці з'яўляецца вытворчасць даільнага абсталявання.

У 2010-2012 гадах акцыі ААТ «Гомельагракамплект " лічыліся адным з найбольш выгадных укладанняў чэкавай прыватызацыі. Калі супаставіць дывідэнды, выплачаныя прадпрыемствам у разліку на 1 чэк у 2010-2012 гадах з намінальным коштам ІПЧ "Маёмасць" , то гадавая даходнасць акцый ААТ "Гомельагракамплект" даходзіла да 27%, што было значна вышэй, чым працэнты па банкаўскіх укладах. Прычынай такой паспяховай дзейнасці прадпрыемства лічыўся факт удзелу ў рэалізацыі "рэспубліканскай праграмы развіцця малочнай галіны ў 2010-2015 гадах".

Са сканчэннем дзеяння дзяржпраграмы скончыліся і слаўныя часы ААТ "Гомельагракамплект". З пераліку самых прыбытковых акцыянерных таварыстваў Гомельскай вобласці прадпрыемства плаўна перавандравала ў спіс самых стратных. Да канца мінулага года абавязацельствы прадпрыемства ўжо ў 35 разоў перавысілі кошт уласных сродкаў арганізацыі.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: