Апытанне: Толькі 2% ІТ-кампаній спадзяюцца на лепшае

З 1 студзеня павысілі стаўкі падаходнага падатку для работнікаў кампаній-рэзідэнтаў Парку высокіх тэхналогій — іх паднялі з 9% да 13%. Раней прадстаўнікі ІТ-рынку, каментуючы магчымае павышэнне падаткаў, казалі, што «такія змены парушаць прынцып, які дзейнічае ў дачыненні да ПВТ на працягу апошніх 15 гадоў, а менавіта нязменнасць заканадаўства».


Нефармальнае аб’яднанне Belarus IT CEO Club правяло апытанне, ці збіраецца кіраўніцтва ІТ-кампаній кампенсаваць гэта павышэнне падаткаў. Яго вынікі прыводзіць TUT.BY.

Клуб Belarus IT CEO Club пачаў сваё існаванне ў лютым 2016 года і з'яўляецца нефармальным аб'яднаннем, заснаваным на прынцыпах добраахвотнага сяброўства. Праектамі клуба карыстаюцца прадстаўнікі каля 250 беларускіх ІТ-кампаній, якія займаюцца як аўтсорсінгавай распрацоўкай праграмнага забеспячэння, так і стварэннем уласных прадуктаў.

Як гаворыцца ў прадмове да тэкставых вынікаў апытання, для ІТ-галіны Беларусі 2021 пачаўся з павышэння падаходнага падатку для супрацоўнікаў кампаній-чальцоў ПВТ з 9% да 13%. І хоць падатак — падаходны, рашэнне, на чые плечы ляжа фінансавая нагрузка, невідавочнае. Вядома, шматлікім кампаніям хочацца засцерагчы сваіх супрацоўнікаў ад змен заробкаў і кампенсаваць гэтыя 4% са свайго прыбытку. Але разам з гэтым наспявае пытанне: а што адбудзецца, калі ў будучыні паднімецца падатак на прыбытак або павялічыцца база для налічэння ўнёскаў у ФСАН?

Таму клуб прапанаваў 250 кіраўнікам ІТ-кампаній Беларусі адказаць, да якога рашэння па кампенсацыі павышэння падаходнага падатку яны схіляюцца.


Хто прыняў удзел

У структуры адказаў пераважаюць кампаніі, якія аказваюць паслугі аўтсорсінгу або аўтстафінга — 78% апытаных, 18% складаюць прадуктовыя кампаніі, а ў 4% кампаній змяшаная мадэль бізнесу.

Колькасць кампаній, якія ўдзельнічалі ў апытанні, з колькасцю супрацоўнікаў да 20 чалавек — 28%, ад 21 да 50 чалавек — 36%, ад 50 да 200 чалавек — 27%. 1% апытаных кампаній мае ў сваім штаце больш за 500 чалавек. У некаторых пытаннях адказы вар'іраваліся у залежнасці ад колькасці супрацоўнікаў.

85% апытаных — сябры ПВТ, а 15% — не.


Што адказалі ўдзельнікі апытання

Калі глядзець вынікі ў агульным, то крыху больш за палову апытаных кампаній — 52% плануюць кампенсаваць павышэнне падаходнага падатку за свой кошт. Пятая частка рэспандэнтаў — 20% перанеслі павышэнне на супрацоўнікаў цалкам, а 13% кампаній вырашылі падзяліць павышэнне ў прапорцыі 50/50. Для 15% ІТ-кампаній гэтае пытанне не актуальнае, бо яны не ў ПВТ.


Як адмена льготы паўплывае на дзейнасць кампаніі

У апытанні кампаніі таксама папрасілі адказаць, як павышэнне падатку адаб'ецца на іх далейшай працоўнай дзейнасці?

Самы папулярны пункт — для нас нічога не зменіцца. На другім месцы — чакаецца зніжэнне прыбытку больш чым на 4%. Трэцяе месца — яшчэ адзін аргумент на карысць рэлакацыі.

Далей па папулярнасці ідуць варыянты: павелічэнне заработнай платы распрацоўшчыкаў «брута», пераход на зарплату «брута» замест «чыстымі», памяншэнне аб'ёму бонусаў для супрацоўнікаў. Найменш папулярны варыянт — выкарыстанне альтэрнатыўных схем аплаты ў тым ліку з пераводам супрацоўнікаў у ІП і да таго падобнае.


Як адмена льготы адаб'ецца на дзейнасці кампаніі

70% апытаных рэспандэнтаў чакаюць пагаршэнне ўмоў для ІТ-бізнесу ў Беларусі, у тым ліку далейшае павышэнне падаткаў.

28% рэспандэнтаў думаюць, што больш змен не будзе і ўмовы застануцца ранейшымі.

Толькі малая доля апытаных (2%) мае пазітыўны настрой. Кіраўнікі гэтых кампаній лічаць, што ўмовы будуць паляпшацца, і падаходны падатак знізяць.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: