Беларусь у Глабальным індэксе голаду — самая сытая

Беларусь з’яўляецца адной з 17 краін свету, якія лічацца самымі сытымі па версіі Global Hunger Index — GHI.
Такія дадзеныя Глабальнага індэкса голаду (Global Hunger Index — GHI), складзенага ірландскай гуманітарнай арганізацыяй Concern Worldwide і нямецкай некамерцыйнай арганізацыяй Welthungerhilfe. Усяго ў рэйтынгу разглядалася 117 дзяржаў.

Індэкс разлічваўся па шкале ад 0 да 100 балаў, дзе 0 — лепшы вынік, а 100 — горшы. Усе краіны, уключаныя ў даследаванне, размеркаваны па пяці групах — з нізкім узроўнем голаду (менш 9,9 бала), з умераным узроўнем (10,0-19,9), з сур’ёзным узроўнем (20,0-34,9), з трывожным (35,0-49,9) і надзвычай трывожным (больш за 50 балаў).

Беларусь увайшла ў спіс 17 краін, дзе ўзровень голаду — менш за 5 балаў, г.зн. самы нізкі. Гэтай групе дзяржаў персанальныя месца не прысвойваліся. Адзначым толькі, што аналагічны беларускаму ўзровень голаду складальнікі індэкса зафіксавалі ў суседняй Літве, Латвіі і Украіне. Большасць развітых краін ЕС, а таксама ЗША, Канада і Аўстралія ў рэйтынгу адсутнічае. У той жа час у Расіі складальнікі індэкса зафіксавалі ўзровень голаду 5,8 балаў, у выніку чаго краіна патрапіла на 22 месца.

Іншыя постсавецкія краіны занялі: Казахстан — 20-ю, Азербайджан −29-ю, Арменія — 30-ю, Кыргызстан — 35-ю, Грузія — 39-ю, Узбекістан — 49-ю, а Туркменістан — 54-ю пазіцыю.

Найбольш галадоўнікамі краінамі прызнаныя ЦАР (адзіная дзяржава з надзвычай трывожным узроўнем голаду), Емен, Чад, Мадагаскар і Замбія.

Глабальны індэкс голаду (GHI) — гэта інструмент, распрацаваны для ўсебаковага вымярэння і адсочвання голаду на глабальным, рэгіянальным і нацыянальным узроўнях. GHI закліканы павысіць дасведчанасць і разуменне барацьбы з голадам, даць сродкі для параўнання узроўняў голаду паміж краінамі і рэгіёнамі і прыцягнуць увагу да раёнаў свету, якія больш за ўсё маюць патрэбу ў дадатковых рэсурсах для ліквідацыі голаду.

Паводле thinktanks.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!