Беларусь заняла 69 месца ў Топ-100 краін па даходах ад відэагульняў

У рэйтынгу Top 100 Countries by Game Revenues Беларусь заняла 69 месца з прыбыткам 69,5 млн даляраў.
Даследчая кампанія Newzoo падзялілася цікавай статыстыкай пра краіны, якія, па яе прагнозах, прынясуць відэагульнявым выдаўцам больш за ўсё прыбытку ў 2017 годзе.

Newzoo падзялілася спісам з 100 краін, жыхары якіх выдаткуюць на відэагульні больш за ўсё грошай у 2017 годзе, калі сітуацыя на рынку не будзе сур'ёзна мяняцца на працягу гэтага года. Пры разліках кампанія ўлічвала толькі прыбытак ад куплі відэагульняў і ўнутрагульнявых пакупак, выключаючы прыбытак ад продажаў «жалеза», ставак на відэагульні, падаткі і таму падобнае. Ацэнкі заснаваныя на спалучэнні першасных даследаванняў спажыўцоў, транзакцыйных дадзеных, квартальных справаздач кампаній і дадзеных перапісу.

Беларусь у рэйтынгу заняла 69 месца. Па версіі даследчыкаў, у нашай краіне налічваецца 6 млн 537 тысяч інтэрнэт-карыстальнікаў. Даход ад відэагульняў прынясе ад іх распаўсюджвання ў Беларусі ў 2017 годзе 69 млн 591 тысяч долараў.

Адзначым, што Расія ў дадзеным рэйтынгу размясцілася на 11-м месцы з прыбыткам 1,4 млрд даляраў. Украіна знаходзіцца на 43 пазіцыі з прыбыткам у 189 мільёнаў.

На першай пазіцыі ў спісе апынуўся Кітай з 800 млн карыстальнікамі інтэрнэту і прыбыткам ў 27,5 трлн даляраў. На другім месцы чакана знаходзіцца ЗША з 261 млн карыстальнікамі і 25 трлн даляраў, а на трэцім месцы апынулася Японія, у якой інтэрнэтам карыстаюцца 119 млн чалавек, і яны прыносяць видэагульнявой індустрыі 12,5 трлн даляраў.

Астатнія суседзі Беларусі размясціліся ў рэйтынгу наступным чынам: Польшча — на 23 пазіцыі з прыбыткам 489 млн даляраў, Літва — на 78 месцы з прыбыткам у 40 млн даляраў, Латвія — на 93 пазіцыі з прыбыткам у 27 млн ​​долараў.

Паводле ej.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!