Беларускія гасцініцы і рэстараны працуюць у мінус: доўг — амаль паўмільярда долараў

Страты гасцініц і рэстаранаў выраслі нават у параўнанні з крызісным 2020 годам, паведамляе www.the-village.me.
Фота з сайта inventure.com.ua

Фота з сайта inventure.com.ua

Сайт Banki24 спасылаецца на даныя ад улад і прыводзіць цікавую статыстыку: аказваецца, у першым квартале гэтага года гасцініцы і рэстараны перажываюць вялікія страты.

Абрэвіятура HoReCa звычайна расшыфроўваецца як «Hotel, Restaurant, Catering/Cafe». У Беларусі чыноўнікі называюць гэтую галіну «паслугамі па часовым пражыванні і харчаванні».

Сярэдняя рэнтабельнасць па валаўтваральных гасцініцах і рэстаранах склала мінус 3,2% (супраць +3,6% у 2020 годзе). Каля 50% флагманаў сектара ў 2021-м былі стратныя, а яшчэ 39,5% мелі рэнтабельнасць продажаў ад 0% да 5%. У сферы паслуг па часовым пражыванні і харчаванні флагманаў з рэнтабельнасцю ад 30% улады не выявілі зусім. Доля флагманаў з рэнтабельнасцю ў межах 20–30% склала ўсяго 0,9%.

Цяпер выручка ў сектары HoReCa ўпала да 2020 года нават без уліку інфляцыі — на 3,5% да 199,2 мільёна рублёў (амаль 77 мільёнаў долараў). Такім чынам, з папраўкай на інфляцыю, рэальная выручка скарацілася больш чым на 10%.

Канчатковы фінансавы вынік працы адлюстроўвае чысты прыбытак або страты. У 2021 годзе чыстыя страты флагманскіх гасцініц і рэстаранаў выраслі да 25,2 мільёна рублёў (9,7 мільёна долараў). За той жа перыяд у 2020-м чыстыя страты былі роўныя 9,6 мільёна рублёў. Доля стратных кампаній HoReCa ў выніку паднялася з 28,9% да 52,6%. Памер чыстых страт такіх флагманаў галіны вырас на 67% да 28,9 мільёна рублёў (11,1 мільёна долараў).

Да 1 сакавіка сумарныя запазычанасці гасцініц і рэстаранаў дасягнулі 1,246 мільярда рублёў (479 мільёнаў долараў).


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: