Беларусы пачнуць цалкам аплачваць камуналку не раней 2026 года

Беларусь разам з Сусветным банкам рыхтуе праграму рэформаў, якая ў тым ліку ўключае пытанні аплаты камунальных паслуг насельніцтвам. Пра гэта першы віцэ-прэм’ер Аляксандр Турчын распавёў на Кастрычнiцкiм эканамiчным форуме.
У рамках рэалізацыі праграмы з Сусветным банкам пытанні аплаты камунальных паслуг насельніцтвам павінны стаць самымі балючымі. Першы віцэ-прэм’ер адзначыў, што выхад на 100% аплаты ацяплення, да прыкладу, запланаваны толькі на 2026 год.

— Да гэтага пытання трэба падыходзіць асцярожней за ўсё, улічваць, як яны ўспрымаюцца насельніцтвам, — адзначыў ён.

Тарыфы на камунальныя паслугі будуць расці паступова.

Акрамя таго, тэрмін выхаду на стоадсоткавую аплату камуналкі вырашылі аддаліць настолькі, каб можна было выконваць даручэнне кіраўніка дзяржавы па памерах штогадовага павышэння аплаты працы.

Раней віцэ-прэм’ер Уладзімір Кухараў распавядаў, што ў бягучым годзе тарыфы на камуналку павышацца не будуць.

Колькі беларусы кампенсуюць за ЖКП

У Беларусі насельніцтва у 2018 годзе кампенсуецца 75,6% выдаткаў па ўсім комплексе жыллёва-камунальных паслуг, астатняе субсідавала дзяржава, годам раней — 69,7%.

У 2019 годзе беларусы, па разліках уладаў, будуць кампенсаваць 80,5% выдаткаў за аказаныя жыллёва-камунальныя паслугі, астатняе будзе субсідаваць дзяржава. Гэта ацэначны паказчык на гэты год, па выніках года ён будзе пералічаны і ўдакладнены з улікам фактычных выдаткаў камунальнікаў на ЖКП.

У гэтым годзе ў Беларусі паднялі тарыфы на ЖКП у межах 5 долараў у разліку на тыпавую двухпакаёвую кватэру з трыма жыхарамі пры нарматыўным спажыванні імі паслуг. Да прыкладу, павышэнне тарыфаў на жыллёва-камунальныя паслугі ў гэтым годзе вырашылі падзяліць на 2 этапы: з 1 студзеня — на паслугі газа-, электра- і водазабеспячэння, водаадвядзення, па капрамонту, санітарным утрыманні дапаможных памяшканняў жылога дома, памеры кампенсацыі выдаткаў на электраэнергію (сумарна на 3,9 долара), а з 1 чэрвеня, пасля завяршэння ацяпляльнага сезона, — на паслугі цеплазабеспячэння (на 1,1 долара).

Паводле news.tut.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: