Белстат: сярэдні заробак у Беларусі дасягнуў $599, у Мінску — $777

Паводле падлікаў Белстата, сярэдні заробак у Беларусі па стане на кастрычнік склаў 5 477 600 рублёў. Гэта $599 у эквіваленце.



За месяц ён вырас на 100 тысяч рублёў, аднак праз плаўную дэвальвацыю нацыянальнай валюты прырост заробку ў далярах склаў толькі $4.
 
 
Гэта «брудны» заробак, да сплаты падаткаў. На рукі ж сярэдні беларус атрымлівае $521.
 
 
Кастрычніцкія лічбы не самыя высокія. Сёлета ў ліпені-жніўні заробкі «бруднымі» сягалі $620.
 
 
Заробак у сталіцы значна вышэйшы. У кастрычніку, паводле Белстата, ён дасягнуў $777, аднак $100 даводзіцца вяртаць дзяржаве ў якасці падаткаў.
 
 

Хочаце ведаць больш? Сачыце за нашымі публікацыямі ў Telegram і Facebook!