Беспрацоўныя ў Менску могуць разлічваць на $ 11 за месяц

На канец мінулага месяца ў беларускае сталіцы было зарэгістравана 2205 беспрацоўных жыхароў.



Сярэдні памер дапамогі беспрацоўным склаў Br 112,4 тыс., перадае БелаПАН са спасылкаю на звесткі Камітэту працы, занятасці і сацыяльнай абароны Менскага гарвыканкаму.



Са студзеня да красавіка гэтага года па дапамогу ў справе працаўладкавання ў сталічныя цэнтры занятасці звярнуліся 6820 чалавек, з іх 4955 — беспрацоўныя. На сталую ці часовую працу ўладкаваліся 2802 асобы, у тым ліку 2148 беспрацоўных атрымалі пастаянную працу.



На 1 траўня 2014 года колькасць вакантных месцаў працы ў Мінску склала прыблізна 18 тыс.



belsat.eu

Хочаце ведаць больш? Сачыце за нашымі публікацыямі ў Telegram і Facebook!