Брытанская кампанія адмовілася ад паставак камплектуючых для МТЗ

Брытанская кампанія KAB Seating пацвердзіла, што не будзе пастаўляць сядзенні свайму партнёру Мінскаму трактарнаму заводу да таго часу, пакуль у Беларусі не зменіцца бягучая палітычная сітуацыя.


«Я спадзяюся, што гэты невялікі жэст паўплывае на развіццё падзей, і сітуацыя палепшыцца для грамадзян краіны», — перадае словы дырэктара кампаніі Стывена Сенета АФН.

KAB Seating — сусветны лідар у вытворчасці працоўных сядзенняў для розных тыпаў транспартных сродкаў і ўваходзіць у міжнародную групу камерцыйных аўтамабіляў (CVG).

Рэакцыя кампаніі рушыла ў адказ на шматлікія паведамленні аб масавых парушэннях правоў чалавека ў Беларусі і на Мінскім трактарным заводзе ў прыватнасці.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: