Доля продажу айчыннай прадукцыі апусцілася да шматгадовага мінімуму

Імпарт перамагае беларускія тавары на паліцах крам. Чыноўнікі правалілі славутую праграму імпартазамяшчэння.


Раз у квартал чыноўнікі падлічваюць удзельная вага продажу беларускіх тавараў у тавараабароце гандлю. Па выніках 2020 года гэтая доля ў пераліку на грошы склала 59,8% і гэта рэкордна нізкае значэнне за даступны перыяд вымярэнняў, пішуць Банкі24.

Для параўнання: у 2019 годзе доля айчынных тавараў у продажах склала 61%, а ў 2013 была роўная 71%. Такім чынам беларуская прадукцыя за 7 гадоў саступіла імпарту 11,2% у спажывецкім кошыку насельніцтва.

Можна зрабіць выснову, што дакументы па барацьбе з завазнымі таварамі і па стымуляванні збыту айчынных, пра якія так часта кажуць чыноўнікі, па факце не працуюць. Імпарт усё роўна аказваецца больш канкурэнтаздольным за прадукцыю з кодам BY.

Пры гэтым Беларусь дагэтуль не знаходзіцца ў Сусветнай гандлёвай арганізацыі і адгарадзілася ад знешняга свету пошлінамі ў рамках Еўразійскага эканамічнага саюза. З гэтага вынікае, што беларускія тавары губляюць месца на паліцах перш за ўсё пад націскам прадукцыі ЕАЭС. Асноўную масу гэтых тавараў пастаўляюць з Расіі.

Пройгрыш канкурэнтнай барацьбы прыкметны як у сегменце харчавання, так і па нехарчовых таварах. За 2020 год доля беларускай прадукцыі па харчовых тавараў упала да 77,1% , па астатніх — да 40,9%. Параўнайце: у 2019 долі былі 77,5% і 43% адпаведна, а ў 2013 — 83,2% і 55,1%.

Паказчыкі 2020 года — гэта шматгадовыя мінімумы. За апошнія гады асабліва моцна пацярпелі продажы нехарчовых тавараў: доля зробленых у Беларусі знізілася на 14,2%.

Вядома, што па меры росту даходаў насельніцтва ў продажах памяншаецца ўдзельная вага прадуктаў і расце доля нехарчовых тавараў. Таму, калі ў 2021-м у Беларусі будзе павялічвацца дабрабыт грамадзян, доля айчынных тавараў хутчэй за ўсё ўпадзе яшчэ ніжэй.

У 2020 годзе сярод харчовых тавараў самая нізкая доля прадукцыі made in Belarus адзначалася па свежых садавіне і арэхам (7,2%), расліннаму алею (12,5%), рыбе (18,5%), грачанай крупы (33,4%). Рысавую крупы цалкам завозілі па імпарту.

Калі паглядзець на нехарчовыя тавары, то беларускія тавары менш за ўсё прысутнічалі на паліцах крам у наступных катэгорыях: тэлевізары (11,9%), аўтамабілі (12,9%), пральныя машыны (15,9%), парфумерыя і касметыка (18,2%), сродкі бытавой хіміі (2 4%).

Манаполія на рынку пакуль належыць беларускім вытворцам у сегментах маторнага паліва (доля 98,8%), яек (100%), сметанковага масла (99,9%), пладовых вінаў (99,8%), гарэлкі (98,6%), мяса і мясной прадукцыі (99,7%). Зрэшты, з улікам апошніх негатыўных тэндэнцый, праз некалькі гадоў могуць зруйнавацца і гэтыя бастыёны.



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: