ЕБРР прыпыніў фінансаванне дзяржаўных праектаў у Беларусі

Еўрапейскі банк рэканструкцыі і развіцця прыпыніў фінансаванне дзяржаўных праектаў у Беларусі, аднак раней заключаныя крэдытныя дагаворы будуць выкананы.


«Заклікаем Беларусь і далей выконваць усе свае міжнародныя абавязацельствы. ЕБРР па-ранейшаму інвестуе ў праекты прыватнага сектара ў Беларусі, а крэдытаванне дзяржаўных праектаў мы ўжо не ажыццяўляем на працягу некаторага часу. Мы не разглядаем новыя суверэнныя праекты ў краіне», — прыводзіць REFORM.by словы прадстаўніка прэс-службы ЕБРР.

Разам з тым ЕБРР пакуль мае намер працягваць рэалізацыю раней заключаных пагадненняў, накіраваных на мадэрнізацыю інфраструктуры.

Летась ЕБРР выдзеліў Беларусі 400 млн еўра. Раней банк ужо адмаўляўся ад працы з дзяржаўнымі арганізацыямі, працягваючы супрацоўнічаць толькі з прыватным сектарам. Толькі ў 2016 годзе краінавая стратэгія ЕБРР была змененая, пасля чаго пачалося актыўнае ўзаемадзеянне з дзяржаўнымі органамі.

Інвестыцыі банка ў Беларусь у апошнія гады раслі ў асноўным за кошт праектаў з удзелам дзяржавы.



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: