Эканамісты пра скандальны ўказ №40: Трэба мяняць усю мадэль улады

Забарона імпарту не ўратуе лукашэнкаўскую эканоміку.



Чарговае ноў-хаў атрымала Беларусь замест падатку на выезд з краіны, які абмяркоўваўся ўладамі два гады таму. Як працуе ўказ Лукашэнкі № 40?

Новыя абмежаванні ўводзяцца на тавары асабістага карыстання, якія беларусы замаўляюць за мяжой ці прывозяць самі. З 11 красавіка, калі беларус будзе закупляцца за мяжой часцей, чым раз у тры месяцы, то бяспошлінна ён зможа прывесці дадому рэчаў не на паўтары тысячы еўра, як раней, а толькі на 300. Замежную пасылку можна будзе бяспошлінна вырабіць не даражэй 22 еўра.

Розніца паміж дазволенымі ды і фактычным сумамі будзе абкладацца 30-адсоткавым падаткам, плюс 5 мытнага збору. Паводле статыстыкі Мытнага камітэта, на сённяшні дзень каля траціны беларусаў, якія вяртаюцца на радзіму з-за мяжы, вязуць адтуль тавараў на суму больш за трыста еўра. На думку прафесара эканомікі Леаніда Злотнікава, ўрад кіруецца наступнай логікай.

“У іх дзве мэты. Па-першае ў краіне мала валюты — хочуць стрымаць яе адток. Потым хочуць падтрымаць прадпрыемствы ўласнай прамысловасці”, — сказаў эканаміст у інтэрв'ю Белсату.

Пры гэтым спецыяліст прадказвае, што меры, абраныя для дасягнення гэтых метадаў, контрпрадуктыўныя.

“Тапельцу ўсё роўна, колькі над ім вады. Хто вывучаў міжнародную эканоміку, той ведае тэорыю Рыкардо, якая ясна паказвае, што любое імпартазамяшчэнне паніжае ўзровень жыцця насельніцтва ў краіне. Чыноўнікі спачатку змагаліся з вывазам, цяпер яны змагаюцца з увозам. Гэта іх праца, але карысці краіне яна не дае”, — упэўнены Злотнікаў.

Спецыяліст тлумачыць: тарыфы на імпарт шкодзяць не толькі кашальку спажыўцоў, не даючы набыць танны тавар, але і айчыннай прамысловасці —пазбаўляючы яе канкурэнтнай матывацыі да ўдасканалення.

Праблема, аднак, у тым, канстатуюць спецыялісты, што захады ўладаў Беларусі накіраваныя не на доўгатэрміновае пераадоленне крызісу, а на барацьбу з яго асобнымі праявамі.

“Трэба мяняць усю мадэль — і эканамічную, і палітычную. У нас жа планавая эканоміка, Лукашэнка ўвесь час падкрэслівае, што ніякіх рынкавых рэформаў не будзе, што ён будзе верны прынцыпам планавай эканомікі”, — нагадаў эксперт.

Паводле: Хартыя 97

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: