Fitch змяніла прагноз па рэйтынгах беларускіх банкаў на негатыўны

Рэйтынгавае агенцтва Fitch пацвердзіла крэдытныя рэйтынгі «Беларусбанка», «Белінвестбанка», «Банка развіцця», «БПС-Ашчадбанка» і «Банка БелВЭБ» на ўзроўні В з негатыўным прагнозам. Аналагічнае рэйтынгавае дзеянне агенцтва здзейсніла раней у дачыненні да Беларусі як суверэннага пазычальніка.


Рашэнне Fitch адлюстроўвае меркаванне экспертаў агенцтва аб тым, што палітычны крызіс у Беларусі можа аказаць негатыўны ўплыў на плацежаздольнасць банкаў. Рэйтынгі «Беларусбанка», «Белінвестбанка», «Банка развіцця» адпавядаюць краінавым, бо ў агенцтве мяркуюць, што дзяржава ў стане аказаць ім неабходную падтрымку, перадае REFORM.by.

Аднак у сцэнары глыбокага стрэсу такая падтрымка можа быць абцяжараная. Агенцтва адзначае, што «Беларусбанк» і «Белінвестбанк» сутыкнуліся з адтокам дэпазітаў у другім і трэцім квартале года, аднак яго ўплыў на ліквіднасць банкаў быў стрыманым з-за высокай долі безадзыўных дэпазітаў, якія кліенты не могуць хутка зняць.

У выпадку з «БПС-Ашчадбанкам» і «Банкам БелВЭБ» агенцтва кажа аб магчымай падтрымцы з боку матчыных кампаній з Расіі: «Ашчадбанка» і «ВЭБ.РФ».



Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: