Гомельскі студэнт прапанаваў асвятленне вуліц праз рух аўто і пешаходаў

А менавіта: праз уздзеянне ціску, што ствараюць на дарогу людзі і машыны.
Студэнт энергетычнага факультэта ГДТУ ім. Сухога Міхаіл Унукаў абараняў праект «Энерганезалежная сістэма электразабеспячэння вулічнага асвятлення» ў рамках маладзёжнага конкурсу стартап-праектаў па альтэрнатыўнай энергетыцы, паведамляе БелТА.

Конкурс праходзіў у некалькі этапаў, яго мэтай было абвешчана выяўленне і садзейнічанне развіццю лепшых стартапаў ў галіне энергетыкі. Свае ідэі прадставілі школьнікі і студэнты ВНУ.

У ходзе прэзентацыі праекта Міхаіл Унукаў паказаў прысутным макет, які дазволіў пераканацца, што электраэнергію магчыма генераваць за кошт ціску, які аказваюць на дарогу аўто і пешаходы.

З гэтай ідэяй юнак трапіў у фінал абласнога этапу конкурсу «Сто ідэй для Беларусі».

gomel.today

Хочаце ведаць больш? Сачыце за нашымі публікацыямі ў Telegram і Facebook!