З Кітая ў Мінск перадалі медсродкі і лінію па вытворчасці рэспіратараў

Раніцай 13 траўня з Пекіна ў Мінск вылецеў чарговы беларускі самалёт са сродкамі медыцынскага прызначэння.
Фота china.mfa.gov.by

Фота china.mfa.gov.by

Гэтым рэйсам у Мінск будзе дастаўлена закупленая ў Кітаі лінія па вытворчасці рэспіратараў KN95. Такім чынам, у Беларусі будзе наладжана ўласная вытворчасць, якая забяспечыць патрэбы насельніцтва і ў плоскіх масках, і ў рэспіратарах 2 і 3 узроўняў абароны.

Больш за палову аб'ёму грузу на рэйсе склалі сродкі медыцынскага прызначэння, закупленыя беларускімі кампаніямі па запыце Міністэрства аховы здароўя Беларусі — апараты штучнай вентыляцыі лёгкіх, тэст-сістэмы, ахоўныя сродкі.

Агульны аб'ём грузу склаў каля 100 м3, вага — больш за 10 тон.

Фота china.mfa.gov.by

Усяго за сакавік-травень 2020 года з Кітая ў Беларусь было накіравана больш за 90 тон розных сродкаў медыцынскага прызначэння, уключаючы дапамогу ад урада КНР, рэгіёнаў і суб'ектаў гаспадарання, а таксама закупленыя беларускімі кампаніямі медыцынскія вырабы.

china.mfa.gov.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: